ثوجيد الجامعة نباتنث أروحن أنس باش أذين ييس آملقى نتمورا ، فووجذن آماوال و آوالن نومسلاين آغ حتى أسنيهنت بوها ، و أو واي ذي 6 و 7 8 نيور ن توبر آث جاي ذي ماني باداسن بوها ني مدراسن باش آقران فواوال و مامك أتطويرنت ذي الوقث أنغ .
و يوسيد آملقاي باش آذزرن مامك آنقدر آسعدان آوال سوغ آعرابث غل أومازيغث إن سي روميث غل واوال أنغ من بعد هولا الدونيث همخلاط وأولاش غر س ماني باتحبس، و ذي الوقث آغ نحتاج ييس ويط آترجم و سلخوصوص ذي العلوم غن التكنولوجيا ، و ثاني باش آيعدا أمسلاي أنغ وباش آنقذر آني آماوال نتمازيغث سواوالن إجديدن باش آتدر جاران نواوالن نتمورا يطنين.
و هبان بوها الحاجث با ش آني ذي ثمورث أنغ آموال و آنسيغ آسيرم إي مدراسن و ثاني إنغماسن آغ توثلاين و خذمن ستمازيغث ذي الوقث آغ تلاقن أرواحينسن حصلن مامك آذوثلاي آوال ذا جديد فلاسن وسلخوصوص ما لا حتى يلاقاث ذي واولن يطنين آم تشاويث ،قبايليث غن آمزابث آشلحيث، آشنويث وحتى آترقيث ماني تلاقى آروحن أنس ذي الخدمث نالعلوم غن التقني آم نالاتصالاث ولازم آيلاقا آوال آغ آسعدا ييس ىبارطت أنس غل أوذان آغ توثلاين إنيذس آغ تاقالان غن آغ سالن ذيس .
