أرقيد اوسنايأيا اقتيلين ذي لوراس امقران سيرتو ارقازن نميرا ذلغروز سروذ انزيد اقلا يلا يوراذ غير غنمقرانن ونتا ثقشابيث اقلا ثتواسن ايس ثمورث انباتنة زيك زيك سيرتو ذي الثورث، واولاد اروذاي مليح ذقسناي ماني اقوثا اذفل مليح وثوثا النوث.
ستعدا المشتا وإعداد إيذس أسميط، بذوت ثحونا نالقش نرقازن بهانت ستقشابين سي مونكل اللون ولخذمت وقورنت واتنوزانت خير نلباس نتغاوسوين ثيط، سيرتو الدريث ذرقازن نميرا اقلا زعما زعما رقل سقروذ انزيك، خاطر أروظاي ألان أتاضنت زيك لجداد انغ ويتسريهن سي أسميط، وماني إيبذو الجو يتبدال وإعداد اسميط اذنوث واسناي اذفل ولان أتراضن ثقشابين أقلا إيفنت لباس نقش يحلى.
اذتافش واقلا يتراق اسناي ذي باثنت ابريذ انيغ ثحانوت انيغ حتى اموكان انلخذمت اذيسن لعبذ يرذ ثقشابيث ويغطا ثقلمونت انس فيخف انس، خاطر اسميط نسقاس اقارن بلي يقوا ويوعر يسعدا يوذان حتى ذي المرض اسان عرمن.
وففلجال نشياي اسرقند ارقازن ثقشابين انسن اقلا الان افرنهنت ذي خزانين نورط انس واسيغن ايا اقلا اوغرسن ثقشابين بشام اذقابل اسنت اسميط ذذفل، وصح أرقينتيد ثقشابيين نالبيع اتنوزانت وألان لباس أقلا أساغنهنت ، بصح ورعاذ لباس انلعوايل اتحبانت اذقنت ثقشابين سفاسن انسنت سيرتو ذي ثمورا ندوار اماريس، كيمل، تكوت ...الخ.
والشياي نتفيث غنلعوايل اقلا ورعان الخلاث انسنت زطنت ثقشابين ذي ثدار ، وساغنتيد القطن يحلا وأتقنت ذي سدايين واتمعاننت اوبعد زطنت سنت نالخلاث لخذمتاي كامل ثتموقا ذي الصيف خاطر ذي المشتا يصمت الحال ولازم ثقشابين أتي ثوجذ أمين إغنتقار الحاجة عقيلة، أقلا أثقا لباس نتقشابين زيك أثروانس.
وثطوال أقلي لخذمت نتقشابيث ماني إثتطف حتى 3 ألشهار سيرتو ما ني أثتيليش لمعونت، وإخدم ذقزتا يشت نفوس، بصح لوراس أمقران سقلا وسنت انيغ تلاثة نلخلاث أقخدمن ذأقزطا بشام أذكملنت له ليه، خاطر لخذمت أنس ثسغلاب وثسكراه، وثغاوس ثيش نتاث ثأقلا اتزط أثخدمش لخدمت انداه، بشا اتكمل زيك أثطوالش ذيس.
