تمورت انوغلان اتوسان سبكري سدلمعاش بالخصوص اوشو ادس اجار 15 انلنواع ندوشو اشرى ايتومودى سالمرقة اشرى ستفاسناخ اشرى سسوفار يلا اوشو ادوينيو اشو اقورن اشو نسوفار اشو انقوني اشو انبرشوشس اوشو نسفوف يد مناو لرهاط اضضنين.
لمعاش انوشو اتومودى دغجار انغ دمنسي اتومودى دخ يغلب لعراس دالمناسبات اتومودى دالعادة انغ تزودى بالخصوص لعراس.
اماشي اناف دخ اجار 30 لرهاط نطواجين اتومودان سغمايان اتونكالان تجموين ادكلنتد الخيرات نيغلب لرهاط. سطواجين اناف الطاجين انتخسايت الطاجين لملوخية الطاجين انبظانجا مع يغلب انلرهاط اضضنين الان اغلان.
اماشي اناف لمعاش ايتوسان يغلب جار توات يغلب دين باظانجا الان اتوشى اش امار غبش ايدلسيت ضدجيض دس قاع ابسون اسحقا ابنادم اتزمارتس .يلادخ اقن لمعاش وضضن اتوسان يغلب اغلان دين مغلوقة اتوخدام سايولوا ابسون اش اغرم اماشي اتومودى بالخصوص مغلوقة انبريان.
سلمراقي الان اغلان اناف اسوفار لفريك شوربة اغمايان اتورحان دسوفار يلا اغلان اقن لمعاش يدجور اتوتا اقارناس اسوفي اتوخدام استيني نالقتنور دكرايان اموني امار نونفذو اتوسرسى اتفويت اتوشا دفر تكزوين اتيش اقت القوة دالجهد فنجال نالفيتامينات ادس.
اقدى اناف لاتاي دقت المادة الان دقن لمعاش دمزوار تمدورت نات اغرسان اتووسوى اش امار فطران اسس دقس ططسان اسيس ضدجيض.
ادلمعاش انوغلان
تغردايت: الشيخ باعلي واعمر
شوهد:1354 مرة
