ورعان لباس انعداث ذالتقاليد ذي الولايث انباثنت اقلا تموقانت ذي المناسباث ولعياذ او ورعان اقميت ويتاسد العيذ نعشورا كل اسقاس بشام اذرني اذسقوا لعدثاي.
يقورد العيذ نعشورا اقلا ثتحتافل ايس الدزاير كامل و توجاذنتاس لعوايل انلوراس امقران مليح خاطر المناسبثاي غرس امكان ذامقران ذقلاون نشاوين، و اخمم ذي العيذ نعشورا سثغوسوين اقلا لازم اثموقنت اس نالعيذ أمقران ذي ثمورث أنلوراس امقران.
أخلع نالتقديت سيرتو ثقديت نالشطوب والعادثاي ثلا زيك زيك ذي ثمورث انلوراس، ماني أدتاوينت لحرار انباثنت اذخنشلة، اذقالمة، ثقديت نالعيذ أغلا نوغراس واسخلطنت قلي نالملح ذألحرور سيرتو ازقاغن اذلحرور اوراغن بشام اثتمفوياش سي الفوحث انيغ أذلعفان، واذطوخلط اكسوم ذين مليح بغير أذتوبي سيرتو الشطوب ومن بعد اثدجنت أذقيم ازقن انواس بغير اذسو الملح اذلحرور ذين كامل بشام أدطاظونش بغير اذتوعلق.
ومن بعد اسقلن ذاكمان يوخر قلي فالقايلة اقلا ثقو واذتوعلق قلي 20 يوم انيغ كثر امين اثتقاو لال انتتداه اتزر بلي يوقير مليح وينكمش ومن بعد اتاوي واتفر ذي قمكان يبرذ قلي وبغير ادخلظ العيذ نعشورا تكسنتيد لعوايل أمين اقلا شياي ذي السيث انلجود انغ سي لباس انلعوام واثقن ذأبربوش المعشاث نالعيذ نعشورا.
وثغاوس ثاني لازم انثلاي فلا سنتا اكسوم اقلا يتوخلع غرس البنة تامقرانت واتتافش بوناذم ذي اي امكان انيغ ذي أي لماكلت وديجا اكسوم انلخليخ زيك زيك يلا يتموقا غير اقنجيو انيغ لعزيز انتداه.
خاطر زيك لعويل انلوراس تحبانت انجيون وبغير ادياس أمين صدفة زربنت الخلاث تقنت امنسي سيرتو ابربوش اسلخليع خاطر ارقاز باب انتداه اقاو اذيلي اخدم انيغ يبع ادتاويش اكسوم بشام اذفرح سنيجيو ولازم اذفرن قلي نتقديت اضرورف امياي.
