اش اتاف نيور نوزومي توات اغلان رنين اقراب غال يوش امقران ادورني نرازان اجار انوسان اضضنين اموني سوعمر نتمجدوين ادوعزام نالقران مع اشجع نمزانان اوحفاظس مان اماروان اتوجدان ايولوا التاولات امزانان باش ادزومان.
مع وتاف نيور نوزومي ارني اعزام نالقران تمجدوين مان اتقم اتوعزام سوس امزوار نيور بلا ابدي ال اقدى نرمضان مع ارني نواعيظان دالدروس جار تيزيلا .
تمطوت دخ يلا غرس تونتاس وسان انرمضان مان تدشلا انتمسردين اتسادجا دغنتها ادوملاقة انوعزام دالدروس تدار نواعظ بالخصوص منسان بل تمطوط اولجي انورجاز دم يلا تمجيدا اتسلا اواعظ .
تمسردين دقت الهيئة الان اتنجم اتار يغلب اتحافظ فالمذهب دالسيرات ادلعوايد اقننت سالدين امغر كل بيلا اشرى انغ اقت العادة اتوقان سالشريعة.
مدان انوغلان زذغ الان اطفان دالديننسان ادلعوايدنسان دوسدر نيور نوزومي ادجين امزوار انوقامي انيض ادوعزام نالقران.
اماشي اناف تمجديون اتشارانات سوزوني نالمعروف مع اعمار نموشان نالخير قاع اوودم نيوش امقران اوللين اسودجومان اقن لفراك انغ اشرى وضضن اسوينسان دين اطبق نوالان نيوش امقران الان اوصى سوعافر سالخير دوعاون انمدان سون انجمان.