لكنغ نسان بل امان انت تمدورت انمدان الدنت .امزوار اغلان اتاشلان سومان الان دالساس نتمدورتنسان اسيس استشرند اقت الجنة اماس انتري اماس نقت تمورت تزقاغت.
سومن اقلات يغلب اوحرش انومان حفران ترسين خدامان ترجوين اومان نسافان ابنان احوباس ادلمسارف امار الان تجنويت ادروس تنري.
ترمزي اشاتنت اغزر انلمزاب دسقسان اتاوضنت ساعات غال سا نسقسان داجار مدان اسقضعان وسان ايوعران اماس انتدروسي انومان دالحمان اقوان.
اكرزان امار انترمزي دتدروسي انومان اسخدمان التقنيات تكبار انالميزان اوسون مانشت دمان الان اماس انترست ادسوطان اقت تفزغلت دقت تغاغت اتوقنانت تسارمخت ال اداي انترست اوسون الميزان انومان.
تيرست اقت دس مناو اشريكان اجباذ انومان اتودج سالدالت ضدجيض ادقس اش اقن غرس امار اباين اوسسوي نالغابتس .
مناو انعزمان دمقرانان اورين يغلب فالتاويل انومان داماشي اتزونى جار مدان ميضرى اقن الخلاف انغ القلت نومفهام فقت ترجى انغ اقت ترست اسسان لكتاب انشرح النيل نالشيخ اطفيش ادمناو اضضنين.
سكبار انترباعت انلومنى الان يحفظ اتشرد اماس انومان الحاج يحي بابكر مان زذغ يلا دقن المرجع غال مدان اتوشاوار دمناوت تسوستنين دتمشراس .
اوحافط فالتراث لازم انلمادان نالجامعات ادخدمان برسان بالخصوص وس يلا احرش انومان ادبراس ابسون الان دقن الكنز ايزعم يلزم احافظ غفس امار الان امقرانان ادلومن احفاظان ابسون ادجوران اقضعان اتاوين ادسان التراث انوغلان.