ترباعت نالبارود دالقاربيلا نوغرم نتغردايت دقت ترباعت اتواسان دزير ادوزغار فنجال انونعارس داش تفسكوين اضرانت الولايات دالمناسبات تزعلاك انومزار نوفمبر دتمنوننت ندزير.
ترباعتو دس تقريب جار مراو دسمس غال سنت تمروين نرجازن اتشمران ادسان تمراض مناوت غرسنت اجار 100 نسقسان اتقضع سحد غال حد زذغ الانت خدمنت.
ادموان انترباعت نالقاربيلا تقنان اقت تشبرت اقارنس تشبرت نلاش اتوزط سالضوفت دس مناو للوان جار ازقاغ دوملال دوبرشان .
اماشي اناف مناو ارجازن اترافقان ترباعت نالقاربيلا دس اكس نرجازن دس اغياط دطبالان . تغياط دقت الالة تروساد دالالة نالناي دس مناو اصوران اتوخدام سنحاس اوحدي. اماشي اناف سن اطبلان ادجوران يد اغياط دترباعت نالقاربيلا.
اش اركاس نتراعت نالبارود ساللحن نتغياط يلا غرس المعنى اتوفهام غير سدبابس دوس يلا اماس نالفرقة. دقت تكيردة تسشن الفن دالتراث انبكري الان دالاصل اغلان.
اغلان يلا دس مناوت ترباعين تضضنتين انبرقان دات ازجن دتجننت ادلقرارة نعرنت المناسبات تزعلاك اغلان انغ انشان وضضن .