اسونجم نالعيد ازعلوك اغزر انلمزاب غرس اقت تملا وحدس اولجي انموشان اضضنين بالخصوص و سي يلا تمورا وحدس لاش حد ادس .
اشرى الان زذع الان اطفان دس مدان اغلان دين املاقة نتواشولت فمارا اناف ارجازن ادبورخس اتملاقان قاع قضعان غبش بكري دفر فجر غال ازوري نمنت تنضلت اوترحم غفسان دقت المناسبة نوزري نالوالدين الان اتوتان الطول نوسقس .
بعد ومني ادقضعان غال تزاليت نالعيد تمجيدا مع اسلي نالخطبة نالعيد بعد ومني اش حد ادقضع غال وغراس نوفريش اوسي يخلف غفس يوش امقران.
غال تمديت دفر اتزاليت انتاكزين ادبدان مدان اتزوران قضعان اضالان فتغرسان ادمدننسان دوس اقربسان .
اما تسدنان اتقمنت تمديت تدار تفغان غال ازوري جار تسمسين دتنيظاس باش اولخلضنت مع ارجازن غبش.
يلا وس اتج انوض دوزوري غال وس فيدسن نالعيد .
اماروا لكنغ انرقب يغلب انلعوايد ادجورنت قضعنت مع وقضاع نمقرانان اتوغان حرصان اطوف دسنت دسولغنسنت اترونسان باش ادرنين ايجور دسنت .