اسن 06 شوال 1346 ه – 28 مارس 1928 اسوفغد اسقم اولين نغزر نلمزاب اقن القرار املاقة اضران باعبد الرحمن الكرتي جار ادموان نغرمان نتجننت دات ازجن دتغردايت دات املشت دبريان دلقرارة امفهامن دس سومناع نوسافر نتموطت غال التل انغ غال اقت تم تضضت دزير انغ ازغار. اوشين توري أاش بيلا حد اولقري القرار ادفغان سوسقمو نباعبد الرحمن الكرتي .
توات نات ازجن ازاران امفهامان قبل املاقة نوسقم نباعبد الرحمن الكرتي سمناو ايارن امناع نوقاي نتموطوت غال التل غير بات دقضاع غال الحيج.
القرار نباعبد الرحمن الكرتي اعنان امناع نتمطوت افوغ سوغلان غرس اقن المعنى دزعلوكت اسويس دين :اج نتمطوت اغلان ادج ارجاز دم تونجمتس تقان دوغلان دتواتس دم اتقل اسودجوم اددول غال تدارتس دات غرسان.
ايتلي الان ادجرو التل اتسنمر تم نوغلان بالخصوص تكرزت دوخدام نتمورت ادستفايدن اسس قاع مدان انوغلان،اقمي تمطوت اغلان ادج اتلهى اتربى امزانان اماس نقت البيئة توحديت تونظيفت اماس نوعزام نالقران دولماد ادوطوف دلعوايدنسان.
اسافر نورجاز يد تمطوتس دتروس غال التل دقن السبب نوهجار دوروال نالجيل اجديد سوغلان دقمي التل بعد ادفان دن الراحتنسان ادتان اغلان ادم.
لثار نالقلت نوقرى نالقرار الوقتني انجم نن بل ازجان نوغلان يقضع لكنغ انرقب اماروا تضفوين انغ النتائج مان بغلب نتواشولين لقمنتد التل اتانت الاصلنست دالمذهبنست دمدنسست.
ات بكري اتوغان اسجوران لمورتنسان سالحكمة اتوغان اتشاوارن امقرانان دوس غرس التجرية الدنت اتملاقان جرون تفغان سالراي اقن الان ادخدم الامة اديمالس اتوغان اتفكران انغ اتخممان دسقسان غال دسات.