اسلماد نتوتلايت نتمازغت دغزر نوغلان

 اتشلت تمزورت تقررتنغلافت نوعزام استف نوسلمد نتوتلايت نتمازغت اغربازن نالرسمي اموني اسقس نوعزام 2006.2005 فيداكس نالابتدائي .
اسلمد نتمازغت يبدى دمناوت الولايات  امبعد ادتوسع غال الولايات تضضنتين . امبصح اسلمد نتمازغت  يرقب يغلب نتمشراس انالقلت نوحراص ننلمادن الماد نتمازغت مع ارجال نيغلب نلقسام فنجال نتدروسي ننلمادن مان امقران نالمحافظة نتمازغت الهاشمي عصاد اسوتر اوجد نقن وهيل اوف نقن نالحل اتمشراس ايلا ارقب احرش دسقسن.
التجربة نوسلمد نتمازغت دالولاية نتغردايت اولتيجور دوحدي تقم غير دمناو اغربازن فنجال نالقلت نوحراص نمدان بالخصوص الوالدين  استف نترونسان اغربازن اولماد نتمازغت .انلمادن فرنان اتباع نالمقرر انتعرابت دتوقمانت الان دسن ايمال فلحسابنسان اجار نتوتلايت نتمازغت .
سمدياز امقرانان الان ندهان احرش نوجم نتمازغت اغلان عبد الوهاب فخار اسن نوسلف نالمحافظة نتمازغت اسقس 1995 يتوغ انده المعهد نالاصلاح المسرحيات ستمازغت اتوغ اتاري اتلحن يخدم دخ انلاس نتغردايت اتارى ازلوان ستومزابت .
سمقرانن دخ اعنان ستوتلايت نتمازغت عبد الرحمن حواش الان اسبل امانس انغ الوقتس اوبراس لصول نتومزابت مان يقم دسقسان انت اتعافر اوسوفغ نتوتلايت نتوقغرسانت غال تيفاوت . عبد الرحمان حواش انجم ادسوفغ مناو لكتوب اسلملدان دس توقغرسانت ننتدت انجم ادر يغلب نوالان توغان قضعان اتواتان مع الوقت دقن ودسيل اولجي يزهل المانداد نتدروسي نالمراجع دوقضاع نيغلب نوالان مع ادبابس انوسارن دتوسارين .
اماشي الان دخ مناو ننعزمان اضضنين اغرمان نوغلان جار ات ازجن دتجننت دلقرارة دوارجلان تعافران اوسوفغ نتوتلايت نتومزابت غال تفاوت قبل ما اتقضع اماشي قضعنت يغلب نتوتلايين تموار نالدنت.