تدتشلا نوحافظ فتغرم دتجموين نوغرم نلقرارة

تدتشلا نوحافظ فتغرم نوغرم نلقراراة الان فتبحناس عبد الله حربز دمنصوري صالح دمناو ادموان اضضنين الان تعافران اورى دحافظ فتجموين دالتاولات نوزوني نومان سالخطر نالبنيان الان يحبو فتمورا نتكرزت مع اردام نترسين الان دالساس نتمدورت نمدان لاقدر الله اضضرى شرى اناف غيرامان نتيرست اوسوى دسسوي نتكرزت دالهوش.
تدشليوا تفغد اسقس 1989 امبصح توغ تنده تخدم احرش نالتراث دومزروي نوغرم نلقراراة مان امكراس توغان تسدجان مناوت تسشانين حضران اجروان اعنان البيئة مع احسس نمدان سوزال انغ القيمة نتجم دتزدايت الان دماما نوغلان.
سلسباب اجينت امكراس خدمان احرش نالبيئة دتغرم دين القلت نورى نالبال نمدان فنتغرم انغ الحضارة ادجين امزوار اغلان بالخصوص المانداد نوحبو نالتكنولوجيا دوباعد نمدان فقاع ابسون اكبار رقبنت دقنشرى نبكري اوليدجور مع الوقت.
 سبسون دخ اجين لثار نتغرم يدجور اقضع دين اقول نمدان غيرغال الثقافة نتعرابت اتان انغرسان دالاصل انتوتلايت نتمازغت مان اش حد غرس الغيرة فالهويتس اطف دس باش اولقضع دسان الزحف نالتاولات نالاعلام دالانترنت يلا وس اتحارب اوال نتومزابت سسم نالاسلام دتعرابت الان داللغة نالقران امبصح اوسان مانايوا ايلا زدغ يلا اطف دالدين اجار نات اغرسان .
اوطوف نمدان دتغرم دلان يج تمجروت ناليونسكو اتصنف اغزر نوغلان دقن التراث نتموار نالدنت اسقس 1984 غير اغرم نلقرارة دبريان تاتفان التراث ندزير اولجي التراث نتمورا نالدنت توصنفان اسقس 1997 سوفس نالديوان نغزر نلمزاب اينجم ادستف اغرم نلقرارة التراث ندزير.
سبسون الان زدغ اقمند اغرم نلقرارة دين تجم دالنظام نوزون نومان نوسوف مان تدشلايو تلا تعافر مع مدان باش ادحافظان فتمورا اسمنكزان البنيان اماس نتجموين فلحساب تكرزت مع واقرى نترسين ادجين امزوار الان اسقضعان تمدورتنسان انتنين حفران نكلان تزدايين امبصح الواقع اسشن بل مدان نماروا الان نكلان السيما دالبيطون اماس نتجموين اماشي يلا الحال دمناو اغرمان اضضنين نوغلان  .
ترست دتزدايت سن ابسون ايلا يوليد اسسان اغلان . امان دتيني انتنين تمدورت نوغلان مدان تسنان القيمتنسان الوقت نالشدة اماشي ايلا اضرى اغلان القلت نلمان انغ اقت الحرب انغ ترمزي لاش اشرى الان ادسمنع مدان دالهوش دتكرزت ستماتنت غير امان نترسين دتين نتزدايين.