البحـيرة نالسبخة حاسـي القـارة المنيعـة

البحيرة نالسبخة ادس اقن 24 كلم مربع توسد البلدية نحاسي القارة اتدجوج غال وداي نوغرم المنيعة اقت 270 كلم. البحيرة دس 7.2 مليون متر مكعب نومان اتاسان سمناوت تمو. توني توصنف فيدسنت دفر البحيرة نالشط نوغرم نوارجلان دقن سموشان نالبيئة دالطبيعة الان اتوحمان حافظان غفس  اسقس 2004  اتاتف القوانين نالاتفاقية نرام سار.
دزير تصنف البحيرة اسقس 2010 جار 47 نالبحيرات الانت دزيرمان اماسان حرصان فوحافظ فموشان انن الان دروس تنري ندزير، ادقم القلت نودج نتيت فونشان يجت تدر دفر تمشراس تزعلاك انوفرغ نومان اوشتمان اماس نالبحيرة الان يهلك يغلب نجوظان اتماتان مع تداقين دالخطر فايولوا ابسون اتدرن اماس نالبحيرة.
يغلب نماسنان دالخبراء ازوران البحيرة اوفين بل البخيرة تالسبخة ترار اقن الدور ايزعلك فوحافظ الظاهرة انغ تمشروس نولاي نومان دنج تمورت تم نالمنيعة يعني امان نالزايد قاع اقضع غال تموي ادس اقت سان الهكتارات.
اش اسقس للوف نجوضان اتاسان ستمورت ناوربا امار نتجرست دصماد ما ن تافان البحيرة الحمان ددفاء دقاع التاولات نلمعاش اسحقان ال لجوايه نافريل افريل ماي ادبدان دقلان غال اوربا امار نومنكز نصماد .
تنغلافت نتزمارت تند بل دزير يلا دس 50 نموشان توصنفن القائمة ترامسار سقت المساحة2.99 مليون هكتار. اماشي يلا تعافرن دغ اصنف نمراو نموشان اضننين دزير باش اتلي المساحة غال 3.5 مليون هكتار اونسونجم بل الاتفاقية نوحافظ فموشان نومان الدنت توسانيا اسن 02 فيفري 1971 اغرم نرامسار ايران مان دزير تسانيا الاتفاقية اسقس 1982.