مع وبدى نيور انتفسوت بدان اكرزان ددباب نتجموين الحملة انودجال انتزدايين ابدانت اسوفغ نمرصدان باش اتاوي اقت الغلة توحديت مع وتاف نونفذو جار يور ناوت ادسبتمبر .
اماشي اناسان مع وتاف انتفسوت ادبدى اتتشر وضوا اتقمى اشات ديارن دقت الحكمة ايتزعلك ادجيت يوش امقران اخداماس دين ادسوض نويفس استزدايت غال تزدايت .
اتغوس انودجال اماروا تقمند غير دمناو اكرزان اكبار الان زذغ اطفان دالحرفة انولاي تزدايت دفر اروال نمكراس اسوخدام نتمورت بالخصوص اخدام انتزدايت الان تغس اقابل الطول نوسقس . اورى نالحرفتو ادوطوف دس ابدانت اسقسنو امدجورا مناوت تمجروين نطرزان اسوض دوسلماد نالحرفة انولاي تزدايت ايمكراس مان اتسدج اش اسقس مناوت الدورات ددوملاقة اتجروا يغلب نمزانان اوسلماد الكيفية انولاي تزدايت ادوخدامس ادوجال ادوفراق ادونكاض ادونكال ادقاع ابسون اغرسان العلاقة مع ماما نات اغرسان.
توني دقت المبادرة توحديت سوفوس نتمجروت انتزدايت الان تسوفغد يغلب نمزانان الان خدمان وسان انتفسوت ادوسان انونكاض بعد اجباذ نكرازن انغ لقوارير اتوغان اتاسند انتيميمون ادادرار اتوغان اتقابلان خدمان اتقابلان تجموين بالخصوص مدان اتوغان اتسفاران اتغابان افوغلان ديارن .