امار انولاي نالحمان انفذوا دالولاية تغردايت يغلب نمكراس دمزانان فرنان اعومي اماس نغزران دحوباس بالخصوص دفر تجناوا اوتنت يور انرمضان اقضعان مان زذغ مناوت تمو اشورنت اسومان دقلدنتد دنشان نوعومي اموني جار اغرماان نتغردايت ادلمنيعة ادمتليلي ادمناوت تمو.
اموشان اجرون دسن امان اتقمان ديارن مع الحمان ادلوسخ اتناف دنشان نتمدورت نالفيروسات الان دالخطر فتزمارت نبنادم ساعات اساوضنت غال تماتانت بالخصوص مي يسوو حد امان بلا ما ادفاق دالخطر دخ فتطاوين ادوجليم مان ساعات امسفار عجزان اداوى انمناو اطانان.
اما الخطر الان اغزران دحوباس دين لغليغا الان اتجبذ ابنادام غال وداي اولتيجي اديالي غال اوجانا بالخصوص امزنان الان اولسينان ادقمان حصلان دقد ومان ال دمتان مان اش اسقس يغلب انمدان اتماتاتن اغزرران.
الولاية نتغردايت يلا دس شارد انلمجال دزعلاك اقن تم نالنومرات فيدسن نالضاية اما فيد شارد يلا تم نمتليلي استقبالان اش اس للوف نمكراس اش انفذوا .
اما فون اعنان تمتانين اضرانت اش اسقس اموشانو المسؤولية اتدقل غال الوالدين الان اتسيبان ترونسان تفغان ادجوران غال تموي بلا اقت العسة انغ ابدي ادسان ال تضرى اقت تواغيت ادبدان اتغاران تاران اللوم فالدولة.
سبسون اوحديان الان زذغ اغلان دين العادة انوعمار انمدان سوغرم غال الغابة رقلان سوماس نالحمان قضعان غال الغابة يد تروانسان اماس انومان ادلمجال دتدوليت دن مدان اتافان الراحتنسان دقد لرهاط انتزدايين دتداقيين ادجين امزوار اعمران اغلان.